لاہور(سپورٹس رپورٹر) فاسٹ بائولرز نسیم شاہ اور میر حمزہ کی عمدہ بائولنگ کے نتیجے میں بنگلہ دیش اے کی ٹیم پاکستان شاہینز کیخلاف پہلے چار روزہ میچ کے پہلے دن اپنی پہلی اننگز میں 122 رنز بناکر آؤٹ ہوگئی۔ پہلے دن کا کھیل کم روشنی کی وجہ سے ختم کیا گیا تو پاکستان شاہینز نے  اپنی پہلی اننگز میں بغیر کسی نقصان کے2 رنز بنائے تھے۔ صائم ایوب 2  رنز پر ناٹ آؤٹ تھے۔ اسلام آباد کلب میں کھیلے جانے والے اس میچ کے پہلے روز گیلی آؤٹ فیلڈ کی وجہ سے کھیل تاخیر سے شروع ہوا اور 46.3 اوورز کا کھیل ممکن ہوسکا۔بنگلہ دیش اے نے ٹاس جیت کر پہلے بیٹنگ کا فیصلہ کیا ۔ محمود الحسن جوئے نے 65  رنز بنائے۔نسیم شاہ اور میر حمزہ نے تین تین ‘ لیگ سپنر محمد رمیز جونیئر نے2 ‘عمرامین اور محمد علی نے ایک ایک کھلاڑی کو آؤٹ کیا۔