مریدکے(نامہ نگار) آزادی فلوٹ مریدکے پہنچنے پر سینکڑوں شہریوں نے پھولوں کی پتیاں نچھاور کر کے استقبال کیا۔ اس موقع پر مسلم لیگ ن کے اراکین صوبائی اسمبلی رانا افضال حسین، پیر اشرف رسول کے علاوہ چوہدری ارشد ورک ڈی سی شیخوپورہ ڈاکٹر وقار بھی موجود تھے۔ استقبالیہ تقریب کے دوران بابا گروپ، تھری سسٹرز، اداکار شوکت علی کے صاحبزادے نے ملی نغمے پیش کئے۔ اس موقع پر رانا افضال حسین اورپیر اشرف رسول کا کہنا تھا میاں نواز شریف نے ہمیشہ قومی یکجہتی اور پیار محبت کی بات کی اسی ویژن کو لیکر وزیر اعظم شہباز شریف آگے چل رہے ہیں چند ایسے لوگ سیاست میں آئے جنہوں نے پاکستان اور عوام کو بہت نقصان پہنچایا آج عہد کرنے کا دن ہے وزیر اعلیٰ پنجاب مریم نواز نے آزادی فلوٹ کے زریعے قوم کو پیار محبت یکجہتی کا ایسا پیغام دیا ہے جسکی تاریخ میں مثال نہیں ملتی۔