بیوی پر بہیمانہ تشدد‘سیف سٹی اتھارٹی نے شوہرکو گرفتارکرادیا 

لاہور(نامہ نگار)سیف سٹی اتھارٹی نے بیوی پر بہیمانہ تشدد کرنے والے شوہرکو گرفتارکرادیا ۔غازی آباد کے علاقے سے خاتون پر شوہر کی جانب سے تشدد کی کال موصول ہوئی۔شوہر کے بہیمانہ تشدد سے خاتون کی آنکھ اور چہرہ بری طرح زخمی ہو گیا تھا۔خاتون بھاگ کر پناہ لینے کی خاطر ہمسائے کے گھر چلی گئی۔ہمسائے کی جانب سے ورچوئل ویمن پولیس سٹیشن پر خاتون پر تشدد کی کال کی گئی۔پولیس نے ملزم شوہر کو گرفتار کر لیا۔