رابطہ مہم کا مقصد  پی پی کو پنجاب میں طاقتور بنانا: گورنر،  دورہ نارووال  

  نارووال (نمائندہ نوائے وقت) گورنر پنجاب سردار سلیم حیدر کی نارووال آمد پر رہنما پیپلزپارٹی راشد خاں نے پارٹی ورکرز کے ہمراہ ڈھول کی تھاپ پر گورنر پنجاب کا پرتپاک استقبال کیا اور انہیں  گلدستے پیش کیے۔ گورنر پنجاب نے ڈسٹرکٹ بار ایسوسی ایشن کے عہدیداران اور معززین شہر سے ملاقات کی۔ گورنر پنجاب نے کہا کہ میڈیا کا شکریہ ادا کرتا ہوں کہ آپ صبح سے ہمارے انتظار میں ہیں۔ میں نے تمام اضلاع کی تنظیموں کو گورنر ہائوس  بلایا۔ ادھر آنے کا مقصد ورکرز اور عوام کے ساتھ رابطے کی بحالی ہے تاکہ پیپلز پارٹی کو پنجاب میں طاقتور کیا جاسکے۔ فیض حمید کی ذات کا کوئی مسئلہ نہیں مگر آج تک احتساب صرف اور صرف سیاستدانوں کا ہی ہوا ہے۔