گوجرخان (نامہ نگار)گوجرخان میں آج 14اگست یوم آزادی جوش وخروش سے منایا جائے گا،شہری تنظیموں اورسرکاری سطح پرمختلف تقریبات کاانعقاد کیا جائے گا اس سلسلہ میں بلدیہ آفس میں صبح آٹھ بجے پرچم کشائی کی تقریب منعقد کی جائے گی جس میں اسسٹنٹ کمشنر خضرظہورگورائیہ، سی او اظہر مجید ، بلدیہ ملازمین اورشہری بڑی تعدادشرکت کریں گے پرچم کشائی کے موقع پر ملکی سلامتی اور ترقی وخوشحالی کیلئے خصوصی دعائیں مانگی جائیں گی ہسپتالوں میں مریضوں اور لاک اپ میں بند قیدیوں کو مٹھائی کھلائی جائے گی جبکہ شہری تنظیموں کی جانب سے بھی جشن آزادی کا دن بھرپور جوش وجذبے کے ساتھ منایاجائے گا اس موقع پر جشن آزادی کے کیک کاٹے جائیں گے اورملکی ترقی وخوشحالی کیلئے خصوصی دعائیں کی جائیں گی۔