میٹروول سائٹ‘ گیس لائن پھٹنے سے آتشزدگی‘15 افراد جھلس گئے

کراچی (کرائم رپورٹر) میٹروول سائٹ کے علاقے میں خیبر چوک کے قریب گیس پائپ لائن پھٹنے سے خوفناک آتشزدگی خواتین سمیت پندرہ افراد جھلس کر زخمی جبکہ ایک کار اور تین رکشہ جل کر تباہ ہوگئے۔ اس کے علاوہ فیڈرل بی ایریا میں گتے کا گودام جل گیا میٹروول سائٹ میں خیبر چوک پر گیس پائپ لائن پھٹنے سے آگ بدھ کی دوپہر لگی جس نے دیکھتے ہی دیکھتے خوفناک شکل اختیار کرلی اور ایک کار اور تین رکشاﺅں کے آگ کی لپیٹ میں آنے کے علاوہ پندرہ افراد جھلس کر زخمی ہوئے جن میں آمنہ‘ نوید‘ نصیب‘ جاوید امجد‘ نصرت‘ حضرت عمر‘ ایوب‘ زید علی مونا اور دیگر شامل ہیں۔ فائر بریگیڈ کے عملے نے کئی گھنٹے کی جدوجہد کے بعد آگ پر قابو پایا دریںاثناءفیڈرل بی ایریا بلاک22 میں گتے کے گودام میں آگ لگی جس کے نتیجے میں ہزاروں روپے مالیت کاگتہ جل گیا۔
گیس لائن آگ