کراچی(نیو ز رپو رٹر)کراچی میں اسٹیج ڈراموں کی خدمات پر معروف ڈائریکٹر پروڈیوسر ورائیٹر زاہد شاہ کی دستار بندی ،نیوی آڈیٹوریم میں منعقدہ تقریب میں شوبز سے وابستہ فنکاروں کی شرکت ۔تقریب کے آرگنائزرعلی بلوچ سمیت معروف کامیڈین زاکر مستانہ ،پرویز صدیقی ،ہارون حمزہ ،نادر شیخ سمیت دیگر فنکارتقریب میں موجود تھے ۔زاہد شاہ کا کہنا تھا کہ میں دوستوں کی دعائوں سے تھیٹر کی بحالی کے لیے سرگرم ہوچکاہوں ، مشکل وقت میں جن دوستوں نے ساتھ دیا وہ تمام فنکار آج بھی میرے ساتھ ہیں۔ہمیشہ معیاری کام کو ترجیح د ی اور معیاری ڈرامے ہی زیڈ بی آرٹ کی پہچان ہیں ۔ انہوںنے کہاکہ اسٹیج کی دنیا میں بہت سے چہروں کو متعارف کروایا ہمیشہ نئے اور کامیاب ٹیلنٹ کو سامنے لانے کی کوشش کی ۔