نیویارک (نیٹ نیوز) امریکی ایئر فورس نے بیلسٹک میزائل کا ایک اور تجربہ کیا ہے۔ تین ماہ سے بھی کم وقت میں امریکی نیوکلیئر میزائل فورس کا یہ اپنی نوعیت کا دوسرا تجربہ ہے۔ بیلسٹک میزائل کیلیفورنیا میں وینڈن برگ ایئر فورس بیس سے داغا گیا جس نے بحرالکاہل میں ہدف کو نشانہ بنایا۔ امریکی حکام نے اس میزائل تجربے کی کوئی وجہ نہیں بتائی۔واضح رہے کہ 2 اکتوبر کو بھی امریکی ایئرفورس نے بین البراعظمی میزائل کا تجربہ کیا تھا۔