فیروز والہ : پولیس کا کریکٹ ڈائون ‘2منشیات فروشوں سمیت 7ملزم گرفتار

فیروزوالہ( نامہ نگار) پولیس نے 2 منشیات فروشوں کو گرفتار کرکے بھاری مقدار میں اعلیٰ کوالٹی کی منشیات برآمد کر لی ۔ ایس ایچ او سٹی مریدکے ولی حسن پاشا نے دیگر اہلکاروں کے ہمراہ جی ٹی روڈ کی آبادی ہدو کے میں چھاپہ مار کر منشیات فروش احمد علی عرف بلا پٹھان اور طارق کو حراست میں لے کر چرس اور اسلحہ برآمد کر لیا۔ پولیس نے ملزموں کے خلاف مقدمہ درج کر لیا ۔ایس ایچ او ولی حسن پاشا کے مطابق ملزمان علاقہ غیر سے منشیات لا کر فروخت کرتے تھے۔ پولیس نے منشیات سپلائی کرنے والے سمگلروں کے کوائف بھی حاصل کر لئے ہیں۔  مریدکے سٹی پولیس نے سنگین مقدمات میں ملوث مفرور 5اشتہاری ملزموں کو گرفتار کر لیا۔