کراچی (صباح نیوز)کراچی کے علاقہ لانڈھی میں ایک مکان میں آتشزدگی کے نتیجہ میں ماں اور بیٹی جھلس کرجاں بحق ہو گئیں جبکہ واقعہ کے نتیجہ میں باپ اور بیٹا زخمی بھی ہو گئے۔ تفصیلات کے مطابق کراچی کے علاقہ لانڈھی چار نمبر زمان آباد  کے ایک مکان میں اچانک آگ بھڑک اٹھی۔ فائر بریگیڈ اور امدادی ٹیموں نے موقع پر پہنچ کر امدادی کام کا آغاز کیا۔ ریسکیو حکام کے مطابق مکان سے ماں اور بچی کی جھلسی ہوئی نعشیں جبکہ باپ اور بیٹے کو زخمی حالت میں نکال لیا گیا ہے۔ نعشوں اور زخمی افراد کو ہسپتال منتقل کر دیا گیا ہے جہاں زخمی باپ بیٹے کا علاج جاری ہے۔ فائر برگیڈ حکام کے مطابق آگ یوپی ایس میں شارٹ سرکٹ کے باعث لگی۔