پاک بحریہ کے جہاز پی این ایس عالمگیر نے افریقی ملک گھانا کا دورہ کیا۔ترجمان پاک بحریہ کے مطابق گھانا کی بندرگاہ ”تیما“ آمد پر پاکستانی جہاز کا پرتپاک استقبال۔ کیا گیا .
مشن کمانڈر نے گھانا کے اعلیٰ عسکری حکام سے اہم ملاقاتیں کیں۔
پاکستان نیوی کے ترجمان کے مطابق ملاقاتوں کے دوران باہمی دلچسپی کے پیشہ وارانہ امور اور دو طرفہ بحری تعاون پر تبادلہ خیال کیا گیا۔پاک بحریہ نے عالمی وبا کورونا سے بچاؤ کے حفاظتی اقدامات کو مد نظر رکھتے ہوئے گھانا میں میڈیکل کیمپ کا بھی انعقاد کیا۔ترجمان پاک بحریہ کا کہنا ہےکہ میڈیکل کیمپ میں 3000 سے زائد مریضوں کو علاج اور ادویات کی سہولتیں فراہم کی گئیں۔
گھانا کے عوام نے پاک بحریہ کے اس جذبہ خیر سگالی کو بڑے پیمانے پر سراہا اور پاکستان کو خراجِ تحسین پیش کیا۔
ترجمان پاک بحریہ کے مطابق دورے کے آخر میں دونوں ممالک کے بحری جہازوں نے مشترکہ مشق میں بھی حصہ لیا۔
