کراچی(نیوزرپورٹر)ڈاؤ یونیورسٹی آف ہیلتھ سائنسز کا بارہواں جلسہ تقسیم اسناد جمعرات ، 15 دسمبر کو "اوجھا کرکٹ اسٹیڈیم " میں ہوگاجس کی تیاریاں مکمل کرلی گئیں ہیں۔ گریجویٹس کی فل ڈریس ریہرسل بدھ 14 دسمبر صبح 9 بجے ہوگی۔ ڈاؤ یونیورسٹی کے تمام ملحقہ اداروں اور ذیلی شعبوں کے2 ہزار سے زائد طالبہ وطالبات کو ڈگریاں تقسیم کی جائیں گی۔مہمان خصوصی گورنر سندھ کامران ٹیسوری  جبکہ مہمانِ اعزازی صوبائی وزیرِصحت ڈاکٹر عذرا فضل پیچوہو ہونگی جبکہ دیگر اہم شخصیات کی آمد متوقع ہے۔