راجستھان ،مقابلے کے امتحانی تیاری کرنے والے 3طلبہ کی خودکشی 

جے پور(این این آئی)بھارتی ریاست راجستھان میں دو الگ الگ واقعات میں مقابلے کے امتحان کی تیاری کرنے والے تین طالب علموں نے مبینہ طور پر خودکشی کر لی ہے۔کشمیر میڈیا سروس کے مطابق ہلاک ہونے والے طلبہ کی شناخت مقابلے کے این ای ای ٹی امتحان کے امیدوار18سالہ انکش آنند اور جے ای ای امتحان کے امید وار17سالہ اجوال کمار کے طورپرہوئی ہے جن کی پنکھے سے لٹکی ہوئی لاشیں جواہر نگر پولیس اسٹیشن کی حدود میں واقع علاقے تلوانڈی میں اپنی رہائش گاہوں سے ملی ہیں۔ ایک اور 17سالہ طالب علم پرناو ورما نے بھی مبینہ طور پر ضلع کے کنہاری تھانے کی حدود میں واقع اپنے ہاسٹل کے کمرے میں زہریلی شہ کھاکر خودکشی کر لی ہے۔ پولیس نے بتایا کہ متوفی گزشتہ دو سال سے پری میڈیکل انٹری ٹیسٹ کی تیاری کر رہا تھا۔ 
راجستھان خودکشی