لاہور(سپورٹس رپورٹر)پاکستان اور بھارت کے درمیان چیمپئنز ٹرافی کا فائنل 2017ء میں لندن کے اوول کرکٹ گرائونڈ میں کھیلا گیا تھا جہاں پاکستان نے شاندار کامیابی حاصل کی تھی۔اوول کرکٹ گرائونڈ پھر 5 سال بعد دنیا بھر میں لوگوں کی توجہ کا مرکز بن گیا ہے۔برطانیہ میں شدید برفباری کے باعث اوول کرکٹ گرائونڈ کی پچ سمیت ہر شے نے سفید چادر اوڑھ لی ہے، جس کے باعث گرائونڈ کی خوبصورتی میں اضافہ ہوگیا ہے اور اس کی تصاویر انٹرنیٹ پر بہت زیادہ وائرل ہو رہی ہیں۔پاکستان کرکٹ ٹیم کے سابق بائولنگ کوچ اظہر محمود نے بھی اوول کرکٹ گراؤنڈ کی ویڈیو اپنے سوشل میڈیا اکاؤنٹ پر شیئر کی ہے۔
واضح رہے کہ 18 جون 2017ء کو پاکستان نے چیمپئنز ٹرافی کے فائنل میں بھارت کو 180 رنز سے شکست دی تھی۔