کراچی(سپورٹس رپورٹر)نیوزی لینڈ کرکٹ ٹیم کے دورہ پاکستان کے نئے شیڈول کا اعلان کر دیا گیا ۔ پاکستان اور نیوزی لینڈ کے درمیان دو ٹیسٹ میچوں پر مشتمل سیریز کا پہلا میچ چھبیس سے تیس دسمبر تک کراچی میں کھیلاجائے گا۔ سیریز کا دوسرا میچ آئندہ سال تین سے سات جنوری تک ملتان میں کھیلا جائے گا۔ دونوں ٹیموں کے درمیان تین میچوں پر مشتمل ون ڈے سیریز کاآغاز 10جنوری سے ہوگا۔ دوسرا میچ بارہ جنوری جبکہ تیسرا اور آخری میچ چودہ جنوری کو کھیلا جائے گا۔ واضح رہے کہ نیوزی لینڈ کی ٹیم اس سے قبل سکیورٹی کو بنیاد پر پاکستان آنے کے باوجود دورہ چھوڑ کر واپس چلی گئی تھی ۔تینوں ون ڈے میچز کراچی میں کھیلے جائیں گے ۔ پی سی بی کی جانب سے جاری اعلامیہ کے مطابق نیوزی لینڈ نے بھی شیڈول میں تبدیلی پر رضامندی ظاہر کردی ہے۔سیریز ایک دن تاخیر سے شرو ع ہوگی ۔