لاہور پریس کلب کے الیکشن 24 دسمبر کو ہونگے  چیئرمین الیکشن کمیٹی سعید آسی نے شیڈول جاری کر دیا

لاہور (نیوز رپورٹر) سینئر صحافی‘ ایڈیٹوریل انچارج روزنامہ نوائے وقت اور چیئرمین الیکشن کمیٹی پریس کلب لاہور سعید آسی نے پریس کلب کے الیکشن کا شیڈول جاری کر دیا۔ کاغذات نامزدگی کا اجراء آج اور کل دن 12 بجے سے رات 10 بجے تک ہو گا۔ کاغذات نامزدگی جمع کرانے کی آخری تاریخ 16 دسمبر رات 9 بجے تک ہو گی۔ امیدواروں کی ابتدائی فہرست 17 دسمبر‘ اعتراضات وصولی 18 دسمبر‘ کاغذات نامزدگی کی واپسی 19 دسمبر کو ہو گی۔ امیدواروں کی حتمی فہرست 19 دسمبر کو جاری ہو گی۔ پولنگ 24 دسمبر بروز اتوار کو صبح 9 بجے سے شام 6 بجے تک بغیر کسی وقفہ کے ہو گی۔