ڈاکو راج، شہری لاکھوں روپے، 3 کاریں، 7 موٹرسائیکلیں گنوا بیٹھے

لاہور (نامہ نگار) ڈکیتی اور چوری کی متعدد وارداتوں میں شہریوں سے لاکھوں روپے،  زیورات، موبائل فون، موٹر سائیکلیں، گاڑیاں اور دیگر سامان لوٹ لیا گیا۔ تفصیلات کے مطابق ڈاکوؤں نے فیصل  ٹاؤن میں سرفراز کے گھر  گھس کر 5 لاکھ 46 ہزار روپے،  زیورات، موبائل فون اور دیگر سامان، ہنجروال میں سلیم اور اس کی فیملی سے ساڑھے 3 لاکھ روپے،  زیورات اور موبائل فون، ہڈیارہ میں توقیر سے 70 ہزار روپے اور موبائل فون، راوی روڈ کے علاقہ میں عاصم سے  30 ہزار نقدی اور موبائل فون، شادباغ میں یاسر سے 75 ہزار نقدی اور موبائل فون، فیکٹری ایریا میں احمد سے 60 ہزار  نقدی اور موبائل فون، شادمان کے علاقے میں عمار سے 20 ہزار نقدی اور موبائل فون، گڑھی شاہو کے علاقے میں سجاول سے 15 ہزار اور موبائل لوٹ لیا اور فرارہوگئے۔ چوروں نے مناواں میں محبوب کے گھر سے 3 لاکھ 80ہزار روپے  زیورات اور دیگر سامان چوری کر لیا اور فرار ہو گئے۔ ڈیفنس، ماڈل ٹاؤن اور جوہر ٹاؤن سے3 گاڑیاں، مانگا منڈی اور نواں کوٹ  سے 2رکشے جبکہ مسلم ٹاؤن، اچھرہ، شیراکوٹ، راوی روڈ، کاہنہ اور شاہدرہ کے علاقوں میں سے7 موٹر سائیکلیں چوری کرلی گئیں۔