اسلام آباد (اپنے سٹاف رپورٹر سے)آل پاکستان اخبار فروش فیڈریشن کے سربراہ ٹکا خان کے زیرِ اہتمام اخبار مارکیٹ آبپارہ میں الماس عباسی کے انتقال پر انہیں خراج عقیدت پیش کرتے کیلئے تعزیتی ریفرنس منعقد کیا گیامقررین نے سینئر صحافی الماس عباسی کی شخصیت ،شعبہ صحافت کیلئے ان کی خدمات پر اظہار خیال کیا تعزیتی ریفرنس میں اخبار فروش فیڈریشن کے رہنمائوں،اخبار فروشوں نے بڑی تعداد میں شرکت کی تعزیتی ریفرنس سے اخبار فروش فیڈریشن کے تا حیات سیکرٹری جنرل ٹکا خان عباسی نے اپنے خطاب میں کہا کہ الماس عباسی ایک ہمہ گیر شخصیت کے مالک تھے انہوں نے پاکستان سویٹ ہوم کیلئے بھی گرانقدر کام کیااور مخلص شخصیت تھے جو مستحقین کی خدمت کے جذبہ سے بھی مالا مال تھے وہ محنت پر یقین رکھتے تھے اس موقع پر پاکستان سویٹ ہوم کے سربراہ زمرد خان،عالم دین علامہ اظہار بخاری ، سینئر صحافی عزیز علوی ،شیخ ایوب ناصر ،عقیل ترین ،تزین اختر ، ناصر اسلم راجہ ، اخبار فروش یونین کے صدر چودہری محمد شفیع  اورسیکرٹری عقیل عباسی بھی موجود تھے تعزیتی ریفرنس میں مقررین نے مرحوم کو صلح پسند، مخیر اور ملازمین کے حقوق کا تحفظ کرنے والی شخصیت قرار دیا ،علامہ اظہار بخاری نے مرحوم کے ایصال کیلئے دعا کرائی ۔