اے آئی جی کمپلینٹس کی راولپنڈی پولیس لائنزمیں غازیوں سے ملاقات

راولپنڈی(اپنے سٹاف رپورٹر سے)اے آئی جی کمپلینٹس پنجاب احسان اللہ چوہان نے راولپنڈی پولیس لائنز ہیڈ کوارٹرز میں غازیوں سے خصوصی ملاقات کی،ایس پی راول فیصل سلیم اور دیگر افسران نے شرکت کی، غازیوں میں بم دھماکوں، دہشتگردوں اورخطر ناک جرائم پیشہ عناصر سے مقابلے میں زخمی ہونے والے پولیس افسران وجوان شامل تھے،اے آئی جی کمپلینٹس پنجاب احسان اللہ چوہان کا کہناتھاکہ آئی جی پنجاب ڈاکٹر عثمان انور نے پولیس شہدائاورغازیوں کی ویلفیئر کے لیے جو اقدامات اٹھائے وہ قابل تعریف ہیں،تقریب کے اختتام کے بعداے آئی جی کمپلینٹس پنجاب نے کمانڈ اینڈ کنٹرول، پولیس ویلفیئر مرکز،ایم ٹی سیکشن،تھانہ صدر بیرونی، تھانہ کینٹ اور تحفظ سینٹر کا بھی دورہ کیا۔