راولپنڈی میں پولیس مقابلہ ،3ڈاکوہلاک ،2فرار

راولپنڈی میں پیر ودہائی کے علاقے میں پولیس مقابلے میں 3 ڈاکو ہلاک اور2 فرار ہوگئے۔پولیس کے مطابق یہ واقعہ پیرودہائی فوجی کالونی میں پیش آیا جہاں ڈکیت گینگ نے پولیس پر فائر کھول دیے۔ فائرنگ کے تبادلے میں 3 ڈاکو ہلاک ہوئے جبکہ ان سے اسلحہ بھی برآمد ہوا۔پولیس نے بتایا کہ 2 ڈاکو فائرنگ کرتے ہوئے نالہ لئی کی جانب فرار ہوگئے جن کی تلاش جاری ہے۔راولپنڈی پولیس نے ڈکیت گینگ کی گرفتاری کے لیے چھاپہ مارا تھا جس پر ملزمان نے فائرنگ کر دی تھی۔