ہالینڈ کے شہر روٹرڈیم میں جاری ٹینس ٹورنامنٹ کے پہلے کوارٹرفائنل میں ٹاپ سیڈ سپین کے رافیل نڈال نے فرانس کے ویلفریڈ سونگا کو سخت مقابلے کے بعد چھ چار، سات چھ اور چھ چار سے شکست دے کر سیمی فائنل میں جگہ بنائی۔ دوسری جانب فرانس کے گائلز مونفلز نے اپنے ہم وطن جیولین بنیٹو کو سٹریٹ سیٹس میں سات چھ اور چھ ایک سے مات دی۔ ادھر تیسرے کوارٹرفائنل میں کروشیا کے ماریو اینچچ نے روس کے میخائل یوزینی کو سٹریٹ سیٹس میں چھ چار اور چھ دو سے چت کیا۔ ٹورنامنٹ کے آخری کوارٹرفائنل مقابلے میں برطانیہ کے اینڈی مرے نے فرانس کے مارک گیچکوئل کو شکست دی۔ اینڈی مرے نے پہلا سیٹ سات چھ سے جیتا تاہم دوسرے سیٹ میں گیچکوئل نے چھ چار سے کامیابی حاصل کی۔ میچ کا تیسرا سیٹ جاری تھا کہ مارک گچکوئل زخمی ہوکر کھیل سے دستبردار ہوگئے۔