ايم کيو ايم لاہورکے زونل آفس ميں پریس کانفرنس کرتے ہوئے لاہورزون کے انچارج شاہين احمد گيلانی نے کہا کہ احمد مختار لسانی اور صوبائی تعصب پھيلانے کی سازش کر رہے ہيں جس سے موجودہ حکومت کی مفاہمتی پالیسی کو دھچکا لگا ہے۔ انہوں نے کہا کہ ايم کيوايم کو پنجاب ميں مقبوليت اور پذيرائی حاصل ہو رہی ہے جسے دس اپريل کو لاہور مينار پاکستان ميں ہونے والے جلسہ عام سے ثابت بھی کردیا جائے گا۔ شاہين احمد گيلانی کا کہنا تھا کہ بہت جلد پنجاب کو بھی ایم کیو ایم کا قلعہ بنائیں گے۔