عالمی نمبر ایک کم کلائسٹرز کو پیرس میں کھیلے گئے ٹورنامنٹ کے فائنل میں چیک ری پبلک کی پیٹرا کوی ٹووا نے سٹریٹ سیٹس میں شکست دی۔ پیٹرا نے فیورٹ کلائسٹرز کے خلاف پہلا سیٹ چھ چار سے جیتا جبکہ دوسرے سیٹ میں انہوں نے چھ تین سے کامیابی حاصل کی۔ یہ رواں سال میں کوی ٹووا کا دوسرا ٹائٹل ہے انہوں نے جنوری میں برسبین اوپن میں کامیابی حاصل کی تھی۔ دوسری طرف سویڈن کے روبن سودرلینگ نے روٹرڈیم میں کھیلے گئے ورلڈ انڈورٹینس ٹورنامنٹ کے فائنل میں فرانس کے جو ویلفریڈ سونگا کو سخت مقابلے کے بعد چھ تین، تین چھ اورچھ تین سے ہرایا۔ سودرلینگ وہ چوتھے کھلاڑی ہیں جنہوں نے کامیابی کے ساتھ اپنے اعزاز کا دفاع کیا ہے۔ سویڈن کے نمبرون ٹینس سٹار نے دو ہزار آٹھ میں بھی ٹورنامنٹ کا فائنل کھیلا تھا تھا وہ شکست کھا گئے تھے۔