کراچی کے علاقے سیمنز چورنگی کے قریب نامعلوم افراد نے کار پر فائرنگ کرکے شکیل اور افتخار کو قتل کردیا، حب چوکی فقیر کالونی سے دو افراد کی تشدد زدہ لاش برآمد ہوئی ہیں، مقتولین کو تشدد کے بعد فائرنگ کرکے قتل کیا گیا، مقتولین کی شناخت امان اللہ اور انس کے ناموں سے ہوئی، ادھر ماڑی پورکراون سینما سےبھی تشدد زدہ لاش ملی ہے۔ جس کی شناخت نہیں ہوسکی۔ بھیم پورہ اور سہراب گوٹھ میں نامعلوم افراد کی فائرنگ سے اقبال اور حیات اللہ نامی افراد زخمی ہوگئے، دوسری جانب ایسٹ زون پولیس نے چوبیس گھنٹے کے دوران مختلف علاقوں میں کارروائی کرتے ہوئے تیئس مفرور ملزمان سمیت سڑسٹھ ملزمان کو حراست میں لے لیا، ملزمان میں تین اشتہاری ملزمان بھی شامل ہیں ، ملزمان کے قبضے سے اسلحہ، منشیات، موٹر سائیکل اور نقدی برآمد کرلی، ادھر گلستان جوہر میں رینجرز نے آپریشن کے دوران پانچ مشتبہ افراد کوحراست میں لے کران کے قبضے سے اسلحہ برآمد کرلیا۔ جبکہ شرافی گوٹھ میں بھی پولیس مقابلےکے دوران تین ملزمان کوگرفتارکرکے ان کے قبضے سے اسلحہ اورمسروقہ سامان برآمد کرلیا گیا۔