سیکورٹی فورسز پر حملہ ہنگو کی تحصیل ٹل میں ہوا، شدت پسندوں نے بارود سے بھری ایک گاڑی ستین پل کے قریب واقع سیکورٹی فورسز کی چیک پوسٹ سے ٹکرا دی۔ حملے میں سیکورٹی فورسز کی چوکی تباہ جبکہ نواہلکار شہید ہوگئے، شہید ہونیوالوں میں دو خواتین سیکورٹی اہلکار بھی شامل ہیں۔ واقعہ میں سیکورٹی فورسز کے تیرہ اہلکار زخمی بھی ہوئے جنہیں فوری طبی امداد کیلئے تحصیل ٹل کے سی ایم ایچ ہسپتال منتقل کردیا گیا۔ دھماکے کے بعد سیکورٹی فورسز نے علاقے کو گھیرے میں لے کر شدت پسندوں کیخلاف سرچ آپریشن شروع کردیا۔