نیشنل بنک نے قائداعظم گولڈکپ ہاکی ٹورنامنٹ جیت لیا

کراچی (سپورٹس رپورٹر) نیشنل بینک نے پی آئی اے وائٹس کو ایک کے مقابلے میں تین گول سے شکست دی، نیشنل بینک نے 2010ء میں ہونیوالے قائداعظم گولڈ کپ ہاکی ٹورنامنٹ میں بھی کامیابی حاصل کی تھی۔ پاکستان ہاکی فیڈریشن صدر چوہدری اختررسول نے انعامات تقسیم کئے۔ فاتح ٹیم کے لیفٹ ان ارسلان قادر کو فائنل کا بہتری کھلاڑی قراردیا گیا۔ انہیں ایونٹ میں11 گول اسکورکرنے پر ٹورنامنٹ کے ٹاپ سکور کے اعزاز سے بھی نوازا گیا۔ کاشف کو ٹورنامنٹ کا بہترین کھلاڑی قراردیا گیا۔ امجد علی کو بیسٹ گول کیپر اور ریلویز کی ٹیم فیئرپلے ٹرافی کی حقدار ٹھہری۔