سندھ میں ہوم سیکرٹری کا عہدہ میوزیکل چیئر بن گیا ،کراچی آپریشن کے دوران7مرتبہ تبدیل

کراچی(سالک مجید) ایک طرف دہشت گردوں اور جرائم پیشہ افراد کیخلاف پوری شدت سے کراچی آپریشن جاری ہے۔ دوسری طرف اس دوران ہوم سیکرٹری سندھ کی پوزیشن کو صوبائی حکومت نے میوزیکل چیئر بنا رکھا ہے‘7 مرتبہ ہوم سیکرٹری تبدیل کیا جاچکا ہے۔ دو مرتبہ محمد وسیم کو ہوم سیکرٹری بنایا گیا۔ وہ گریڈ21 کے افسرہیں اور سارے کیریئر میں ان کی کارکردگی شاندار رہی ہے اور قانون پر عمل کرنے‘ دفتر میں وقت پر آنے اور غلط کاموں پر انکار کرنے پر انعام دینے کی بجائے انکو سزا دی گئی کہ عہدے سے ہٹادیا گیا۔ محمد وسیم سے قبل مختار سومرو‘ رحیم سومرو‘ ملک اسرار‘ نیاز عباسی‘ ممتاز علی شاہ‘ کو ہوم سیکرٹری بنایا اور پھر کچھ عرصے بعد ہٹادیا گیا۔