لاہور(کلچرل رپورٹر) فنکاروںنے چیئرنگ کراس پرہونے والے دھماکے کی شدیدمزمت کی ہے ۔اداکارہ صائمہ نے کہاکہ لاہورمیںدہشت گردی کے واقعہ کی شدیدمزمت کرتی ہوں اورحکومت سے اپیل کرتی ہوں کہ وہ سیکورٹی کے سسٹم کوبہتربنانے کیلئے وسائل استعمال کرے ۔اداکارمعمررانا نے کہا کہ معلوم نہیں ہماراملک دہشت گردی کی لعنت سے کب آزادہوگا۔سانحہ مال روڈنے ایک بارپھرشہریوں کوخوفزہ کردیاہے ۔ گلوکارہ حمیراچنانے کہاکہ سانحہ مال روڈنے آج پوری قوم کوافسردہ کردیاہے۔ پولیس کے افسران اورجوانوںکی شہادت کابھی بہت دکھ ہوا ہے۔کئی بے گناہوں کے گھراجڑگئے ۔گلوکارہ شمسہ کنول کاکہناتھاکہ خداانسانیت کے دشمنوں کوان کے انجام تک پہچائے جوآئے دن بے گناہ افرادکاقتل عام کررہے ہیں۔ ہمارے ملک کاسب بڑامسئلہ دہشت گردی بن چکاہے۔ حکومت کوچاہیے کہ دہشت گردی کے خاتمے کیلئے موثر اقدامات کرے ۔سٹیج اداکارطاہرنوشادنے کہاکہ لاہور بہت ایک عر صے سے محظوظ سمجھاجاتالیکن سانحہ مال روڈنے لوگوں کوخوفزدہ کردیاہے ۔