لاہور(سپورٹس رپورٹر )پاکستان ہاکی فیڈ ریشن کے زیر اہتمام دورہ آسٹریلیا کی تیا ریوں کے لئے سینئر ہاکی ٹیم کے تر بیتی کیمپ میں سے پریکٹس سیشن کا آغا ز ہو گا۔ کیمپ کے لیے اعلان کردہ 47 کھلاڑیوں میں سے 36 نے کیمپ میں رپورٹ کر دی ہے۔ ہیڈ کوچ خواجہ جنید نے بتایا کیمپ کا آغاز شاندار رہا ہے ہم نے کراچی میں کیمپ کے اختتام پر کھلاڑیوں کو فزیل فٹنس کے لئے جو ہوم ورک دیا تھا اس کا نتیجہ مثبت ہے ، ان کا کہنا تھا کہ کھیل میں جہاں ٹیکنیکل تبدیلیاں رونما ہوئیں ہیں وہی شاندار کارکردگی حاصل کرنے کے لئے کھلاڑیوں کی فزیکل فٹنس اہمیت اختتار کر گئی ہے انھوں نے بتایا کہ کیمپ کے لئے مدعو کئے گئے 47 کھلاڑیوں میں سے گیارہ کھلاڑی کیمپ میں رپورٹ نہ کرسکے ہیں ،نو کھلاڑی فیڈریشن سے اجازت لے کر ملائیشیا اور یورپ میںلیگ کھیلنے میں مصروف ہیں۔