صوبائی زکوٰۃ کونسل کا اجلاس، تعلیمی اداروں اور مدارس کے طلبہ کیلئے فنڈز کی منظوری

لاہور (خصوصی نامہ نگار) صوبائی زکوٰۃ کونسل پنجاب کا166 واں اجلاس گزشتہ روز پنجاب ووکیشنل ٹریننگ کونسل میں چیئرمین صوبائی زکوٰۃ کونسل پنجاب ،جسٹس(ر) جناب اختر حسن کی زیر صدارت منعقد ہوا۔ کونسل نے پنجاب کے 31اضلاع کے401 تعلیمی ادارہ جات کے 14269 طلباء وطالبات کے لیے مبلغ9 کروڑ64 لاکھ68 ہزار روپے اور24 اضلاع کے 227 دینی مدارس کے17049 مستحق طلباء وطالبات کے لیے 8 کروڑ 07لاکھ 69 ہزار675 روپے برائے سال2016-17 جاری کرنے کی منظوری دی۔ کونسل نے ملک طارق مسعود کنڈ کی بطور چیئرمین ضلع زکوٰۃ کمیٹی میانوالی ، سید عرفان حیدر ولد ذوالفقار حیدر کی بطور چیئرمین ضلع زکوٰۃ کمیٹی منڈی بہاؤالدین اور محمد شفیع خان ولد امام بخش خان کی بطور چیئرمین ضلع زکوٰۃ کمیٹی ڈیرہ غازی خان نامزدگی کی منظوری دی۔