زمین ایکسپو کامیابی کی علامت ہیں‘خواجہ سعدرفیق

لاہور (کامرس ڈیسک)زمین ڈاٹ کام کی جانب سے زمین ایکسپو لاہور 2018ء کا انعقاد 10اور11فروری کو انٹرنیشنل ایکسپو سنٹر لاہور کے ہال 1اور2میں ہوا۔ اس ایکسپو کے مہمان خصوصی وفاقی وزیر برائے ریلوے خواجہ سعد رفیق تھے۔ ایکسپو کے پہلے روز لاہور چیمبر آف کامرس اینڈ انڈسٹری قائم مقام صدر خواجہ خاور رشید نے بطور مہمان خاص شرکت کی۔ زمین ڈاٹ کام کے سی ای او ذیشان علی خان نے ایکسپو کے دونوں روز مہمانان گرامی کا استقبال کیا اور اُن کو ایکسپو کا دورہ کرواتے ہوئے مختلف پراجیکٹس کے بارے میں بریفنگ دی گئی ۔ ایکسپو کے موقع پر وفاقی وزیر برائے ریلوے خواجہ سعد رفیق نے کہا کہ زمین ڈاٹ کام پاکستان کی سب سے بڑی مارکیٹنگ کی کمپنی بن چکی ہے ۔ لاہور چیمبر آف کامرس اینڈ انڈسٹری کے قائم مقام صدر خواجہ خاور رشید نے کہا کہ جس طرح سائنسی بنیادوں پر مارکیٹ ریسرچ اور مارکیٹنگ میں اپنا مقام حاصل کیا وہ قابل ستائش ہے۔