وزیرآباد+گوجرانوالہ(نامہ نگار+نمائندہ خصوصی) گوجرانوالہ میں تیز رفتار بس اور مسا فر وین میں تصادم کے نتیجے میں 9مسا فر جاں بحق جبکہ 19 شدید زخمی ہو گئے،ریسکیو اہلکا روں نے جاں بحق ہو نیوالے افراد کی نعشوں کو ضروری کا روائی اور زخمیوں کو طبی امداد کی فراہمی کیلئے تحصیل اور ڈسٹرکٹ ہسپتالوں میں منتقل کر دیا‘مسافر بس قلعہ دیدار سنگھ سے راولپنڈی جارہی تھی کہ قینچی موڑ وزیرآباد کے قریب موڑ کاٹتے ہوئے مخالف سمت سے آنے والی وین سے ٹکرا گئی‘حادثہ اتنا شدید تھا کہ مسافر وین بری طرح پچک گئی‘ریسکیو ٹیموں نے باڈی کاٹ کر نعشوں کو باہر نکالا۔ تصادم کے نتیجے میں9مسا فر جا ں بحق جبکہ 19 شدید زخمی ہو گئے حا دثے کی اطلا ع ملتے ہی ریسکیو ٹیمیں فوری طور پر مو قع پر پہنچ گئیں اور جاں بحق مسافروں عرفان سکنہ راولپنڈی،محمد زراعت،پرویز اکرم،محمدرفیع سا کنان گوجرانوالہ،عبدالرحیم سکنہ وزیر آباد اور مسا فر وین ڈرائیور قمرسمیت آٹھ مسا فروں کی نعشوں کو ضروری کا روائی اور زخمیوں مہک،نعمان،عباس،اشرف،نسیم اختر،شہزاد وغیرہ کو طبی امداد کی فراہمی کیلئے تحصیل ہیڈ کو ارٹر ہسپتال منتقل کیا جہاں سے5 زخمیوں ارشاد بی بی،احسان،یعقوب،اشرف،منیر کو ابتدائی طبی امداد کی فراہمی کے بعد تشو یشناک حا لت کے باعث ڈسٹرکٹ ہسپتال منتقل کیا گیا جہاں پر اشرف بھی زخموں کی تاب نہ لا تے جا ں بحق ہو گیا دیگر زخمیوں کوطبی امداد فراہم کی جا رہی ہے مسا فر بس اور وین میں ہو نیوالے خو فناک تصادم کے نتیجے میں مسا فر وین مکمل طور پر تباہ ہو گئی ہے۔
گوجرانوالہ/ حادثہ