لاہور(نمائندہ سپورٹس+سپورٹس رپورٹر) پی ایس ایل کی فرنچائز کوئٹہ گلیڈی ایٹرز نے اسلام آباد یونائیٹڈ کے ساتھ آل سٹارز میچ کے لئے سکواڈ کا اعلان کر دیا۔نمائشی میچ کل شام ساڑھے 5 بجے پنڈی کرکٹ سٹیڈیم میں شروع ہوگا، گلیڈی ایٹرز کے سکواڈ کی قیادت سرفراز احمد کریں گے جبکہ دیگر کھلاڑیوں میں سابق قومی کپتان معین خان، اونر کوئٹہ گلیڈی ایٹرز ندیم عمر، سابق قومی آل راؤنڈر عبدالرزاق، اسد شفیق، انور علی، رمیز راجہ جونیئر، عمر امین، محمد جنید، محمد اعظم خان، فراز احمد خان، نبیل ہاشمی، وقار علی سید اور حسن عمر شامل ہیں۔ گلیڈی ایٹرز کی جانب سے فلم سٹار سعود، اداکار فیروز خان، شہروز سبزواری، گلوکار فاخر اور گلوکارہ عائمہ بیگ بھی ایکشن میں نظر آئیں گے۔سلام آباد یونائیٹڈ کی قیادت سابق قومی کپتان مصباح الحق کریں گے جبکہ سابق کپتان وقار یونس، رومان رئیس، شاداب خان، فلم سٹار فواد خان اور دیگر بھی ٹیم کا حصہ ہوں گے۔