رائے ونڈ (نامہ نگار) واپڈا اہلکاروں کی غفلت کی وجہ سے کئی جگہوں پر بجلی کی ننگی تاریں گلیوں میں بکھری نظر آئیں ،ایک جگہ پر دودھ کا کاروبار کرنے والے شخص محمد رفیق کی بھینسیں چارہ چرنے کیلئے کھیتوں میں جارہی تھیں کہ ان کے پائوں راستے میں بکھری بجلی کی ننگی تاروں پر آگئے ،کرنٹ کے زوردار دھماکے کے باعث دو بھینسیں موقع پر ہی دم توڑ گئیں ،جبکہ کئی زخمی اور بے ہوش ہوگئیں ،کرنٹ لگنے سے چند افراد بھی متاثر ہوئے، تاہم وہ جان سے بچ رہے ،صورتحال کی اطلاع پاکر اہلیان بابلیانہ نے واپڈا عملہ کیخلاف احتجاجی مظاہرہ کیا ۔