لاہور (خصوصی نامہ نگار ) لاہورڈویلپمنٹ اتھارٹی کے ٹائون پلاننگ ونگ کے عملے نے غیر قانونی تعمیرات کے خلاف جاری آپریشن کے دوران گزشتہ روز فیروز پور روڈ اورڈیفنس روڈ پر کارروائی کر کے چھے غیر قانونی تعمیرات مسمار کر دیں۔ان میں ڈیفنس روڈ اور گجو متہ سٹاپ فیروز پو ر روڈ پر تعمیر شدہ دو غیر قانونی بیسمنٹ ‘ایل ڈی اے سٹی اپروچ روڈ کے قریب غیر قانونی تعمیر اور ڈیفنس روڈ پر دو غیر قانونی چار دیواریاں شامل ہیں۔