لاہور(سپورٹس رپورٹر+نمائندہ سپورٹس)فخرزمان کا کہنا ہے کہ ڈومیسٹک کرکٹر سے سٹار بنانے میں پی ایس ایل نے اہم کردار ادا کیا۔کراچی کنگز کے خلاف ففٹی بناتے ہی ہیڈ کوچ مکی آرتھر نے مجھے بتا دیا تھا کہ پاکستان کیلئے کھیلنے کا موقع دیا جائے گا، پی ایس ایل میں نوجوانوں کو اپنی صلاحیتوں کا اظہار کرتے ہوئے قومی ٹیم کے دروازے پر دستک دینے کا سنہری موقع ملتا ہے۔انٹرنیشنل سٹارز سمیت دنیا کے بہترین کھلاڑیوں کے ساتھ کھیل کر کارکردگی میں نکھار آتا ہے، ایبی ڈی ویلیئرز کی آمد سے لاہور قلندرز کی مڈل آرڈر مضبوط ہوئی ہے، محمد حفیظ اور حارث سہیل بھی موجود ہوں گے،پوری کوشش ہوگی کہ اپنی ٹیم کے لیے زیادہ سے زیادہ رنز بناؤں۔