لاہور(نمائندہ خصوصی)شہداء چیئرنگ کراس مال روڈکی چوتھی برسی کے موقع پرڈی آئی جی آپریشنز ساجد کیانی نے کہا ہے کہ دہشت گردی کے خلاف جنگ میں پنجاب پولیس نے عظیم قربانیاں دی ہیں۔ فرض کی راہ میں قیمتی جانوں کا نذرانہ پیش کرنے والے شہداء کوخراج عقیدت پیش کرتے ہیں۔ ڈی آئی جی آپریشنز ساجد کیانی نے کہا کہ چار سال قبل ڈی آئی جی کیپٹن (ر) سید احمد مبین، ایس ایس پی زاہدگوندل اور پولیس کے دیگربہادرجوانوں نے شہادت کا عظیم رتبہ حاصل کرکے پوری پولیس فورس کا سر فخر سے بلند کر دیا۔