کابل (نوائے وقت رپورٹ) افغانستان میں ایران کے ساتھ کسٹم پوسٹ پر گیس ٹینکر دھماکے سے پھٹ گیا۔ جس سے دس افراد زخمی ہو گئے۔ افغان میڈیا کے مطابق آگ نے قریب موجود دیگر فیول ٹینکرز کو بھی اپنی لپیٹ میں لے لیا۔ واقعہ ایرانی بارڈر کے قریب صوبہ ہرات کے علاقے اسلام قلعہ کی کسٹم پوسٹ پر پیش آیا۔ ٹینکر میں دھماکے کی وجوہات تاحال واضح نہیں۔ افغان پاور ڈسٹری بیوٹر کے مطابق ایران سے ہرات آنے والی 132 کلو واٹ پاور ٹرانسمشن لائن کو نقصان پہنچا۔