لاہور (سٹاف رپورٹر)وزیرِ جیل خانہ جات پنجاب فیاض الحسن چوہان نے شہباز شریف کے ظہور الٰہی پیلس جانے کو چوہدری برادران کی عظیم الشان فتح قرار دیتے ہوئے کہا ہے کہ احتسابی اداروں کی جانب سے شریف خاندان کی کرپشن کی دم پر پاؤں آنے کے بعد یہ لوگ ہر اس انسان کے پاس جا رہے ہیں جسے کسی زمانے میں شریف برادران نے زہر قاتل قرار دیا تھا۔ پورا ملک جان چکا ہے کہ شریف خاندان کے ذاتی ملازمین کے اکاؤنٹس میں کروڑوں اربوں روپے کی ٹرانزیکشنز کہاں سے ہوتی رہیں۔