یارکشائر کائونٹی کلب کے ڈپٹی چیئرمین  کو لاہوریوں کی مہمان نواز بھاگئی

لاہور(سپورٹس رپورٹر)یارکشائر کائونٹی کرکٹ کلب کے ڈپٹی چیئر ٹریور اسٹرین لاہوریوں کی مہمان نوازی کے دلدادہ ہوگئے۔ ٹریور کا کہنا تھا کہ لاہوریے بہت مہمان نواز ہیں،قلندرز ہائی پرفارمنس سنٹر لاہور میں بہترین کوچز اور زبردست سہولیات دستیاب ہیں۔ یہ دورہ یارکشائر اور لاہور قلندرز کے دو طرفہ تعلقات کو مزید وسعت دیگا۔یارکشائر کائونٹی کرکٹ کلب کے کوچ  اظہر اللہ کا کہنا تھا کہ میں لاہور قلندرز کی کوچنگ کے طریقہ کار کا بہت بڑا حمایتی ہوں، قلندرز ہائی پرفارمنس سنٹر میں اعلی معیار کی کوچنگ کی جاتی ہے، لاہور قلندرز نوجوان کھلاڑیوں کی سکلز میں بہتری لانے کی کوشش کررہا ہے۔