انسداد پولیو ٹیموں کی سکیورٹی پر کوئی  سمجھوتہ نہیں کیا جائیگا: سی سی پی او

لاہور(نامہ نگار)لاہور پولیس کی طرف سے پولیو سے بچاؤ کے قطرے پلانے والے پولیو ہیلتھ ورکز اور ٹیموں کوسخت سکیورٹی فراہم کی گئی۔ 6 ہزار 360 پولیو ورکرز کی سکیورٹی پر 1200 سے زائد پولیس افسران وجوان تعینات تھے۔سی سی پی او لاہور بلال صدیق کمیانہ نے خبردارکیا کہ انسداد پولیو ٹیموں کی سکیورٹی پر کوئی سمجھوتہ ہر گز نہیں کیا جائیگا اور اس سلسلے میں کوئی غفلت یا کوتاہی کسی صورت برداشت نہیں کی جائے گی۔ترجمان لاہور پولیس کے مطابق قومی انسداد پولیو مہم صوبائی دارالحکومت میں 13فروری تا 19 فروری جاری رہے گی ۔