لاہور(خصوصی نامہ نگار) معروف روحانی رہنما و صوفی دانشور حضرت واصف علی واصف ؒ کا31 واں سالانہ 3 روزہ عرس میانی صاحب بہاولپور روڈ پرآج سے شروع ہو رہا ہے۔ عرس کا آغاز مزار شریف پر بعد از نماز عصر رسم چادر پوشی سے ہوگا۔ سردار نصراللہ خان دریشک عقیدت مندوں کے ہمراہ راہ یہ رسم ادا کریں گے۔اسلام کی سر بلندی اور ملک پاکستان کی ترقی اور خوشحالی کیلئے خصوصی طور پر دعا کی جائے گی۔ رات کو محفل سماع ہو گی جس پر آصف علی سنتو اپنے فن سماع کا مظاہرہ کریں گے۔