لاہور(سپورٹس ڈیسک)ترکیہ میں آنے والے شدید زلزلے کے نتیجے میں ضلع ادیامان کے ایسیاس نامی ہوٹل کے ملبے سے ملنے والی  شمالی قبرصی ترک جمہوریہ کی والی بال ٹیم کی بارہ میتیں آبائی وطن روانہ کر دی گئی ہیں، ان میتوں کو قبرص کے ارجان ہوائی اڈے پر متوفیوں کے اہل خانہ،دوستوں اور مداحوں نے وصول کیا ، میتوں کی آخری رسومات کیلئے سرکاری تقریب بھی منعقد کی گئی،یاد رہے کہ شمالی قبرصی ترک جمہوریہ سے چوبیس کھلاڑیوں،پانچ کوچزاور چھ سرپرستوں سمیت  35افراد کا ایک قافلہ انٹرمڈل سکول مقابلوں کے سلسلے میں ضلع ادیامان آیا تھا ۔