نواز، شہباز، مریم، عون سمیت 9 ایم این ایز کی کامیابی کا نوٹیفکیشن 

لاہور (نوائے وقت رپورٹ) الیکشن کمشن نے قومی اسمبلی کے مزید 9 امیدواروں کی کامیابی کے نوٹیفکیشن جاری کر دیئے۔ الیکشن کمشن کی جانب سے این اے 118 لاہور سے حمزہ شہباز شریف، این اے 119 لاہور سے مریم نواز شریف، این اے 123 لاہور سے شہباز شریف، این اے 127 سے عطاء اللہ تارڑ کی کامیابی کا نوٹیفکیشن جاری کیا۔  این اے 130 لاہور سے نواز شریف کی کامیابی کا نوٹیفکیشن بھی جاری کیا گیا۔ این اے 70 سیالکوٹ سے ن لیگ کے چوہدری ارمغان سبحانی، این اے 71 سیالکوٹ سے خواجہ آصف، این اے 72 سیالکوٹ سے ن لیگ کے علی زاہد، این اے 73 سیالکوٹ سے ن لیگ کی نوشین افتخار کی کامیابی کا نوٹیفکیشن جاری کر دیا گیا۔ علاوہ ازیں این اے 128 لاہور سے استحکام پاکستان پارٹی (آئی پی پی) کے عون چوہدری اور این اے 11 شانگلہ سے مسلم لیگ ن کے امیر مقام کی کامیابی کا نوٹیفکیشن جاری کیا گیا۔