چک امرو: گاڑی بس سے ٹکرا گئی، نومولود سمیت 3 افراد جاں بحق

گوجرہ+چک امرو (نمائندہ نوائے وقت+نامہ نگار)  موٹر وے پرحادثہ کے نتیجہ میں کار سوار دو حقیقی بھائی جاں بحق ہو گئے۔ معلوم ہوا ہے کہ ضلع سرگودھا لاہور روڈ باغانوالہ کے ریاض عالم اور ظفر عالم ولد عبدالغفورکار نمبر 2039 ایل ای ای پر سوار موٹر وے ایم فور براستہ گوجرہ ملتان کی جانب جا رہے تھے جسے ہمایوں مقصود نامی ڈرائیور چلا رہا تھاکہ گوجرہ کے قریب ان کی کار حادثہ کا شکار ہو گئی جس کے نتیجہ میں کار سوار تینوں افراد شدید زخمی ہو گئے۔ دونوں بھائی موقع پر ہی جاں بحق ہو گئے جبکہ ڈرائیورکو شدید زخمی حالت میں تحصیل ہیڈ کوارٹر ہسپتال گوجرہ منتقل کر دیا گیا۔ ڈی ایس پی موٹر وے افتخار وینس اور ڈی ایس پی گوجرہ آفتاب صدیقی موقع پر پہنچ گئے اور متوفیان کی نعشیں ضروری کارروائی کے بعد ورثاء کے حوالے کر دیں اور پولیس مصروف کارروائی ہے۔ٹریفک حادثے میں نومولود بچے سمیت تین افراد جاں بحق متعدد زخمی۔حادثہ۔نارووال روڈ پر پیش آیا  تفصیلات کے مطابق موضع بھوانی پور کی ندا بی بی کو ڈلیوری کیس کے لئے نارووال ہسپتال لے جایا گیا جہاں ڈلیوری کے بعد وہ واپس آرہے تھے کہ قطرووال کے قریب انکی گاڑی کی بس سے ٹکر ہوگئی جسکے نتیجے میں خاتون سوہا بی بی۔ رضیہ بی بی اور نومولود بچہ شدید زخمی ہوگئے اور زخموں کی تاب نہ۔لاتے ہوئے تینوں موقع پر دم توڑ گئے جبکہ گاڑی کے ڈرائیور آفتاب۔ندا بی بی سمیت دیگر زخمیوں کو نازک حالت میں لاہور ریفر کر دیا گیا