چکوال (نامہ نگار) تھانہ سٹی کے علاقے مزدلفہ ٹائون میں 6نعشیں برآمد ہوئیں۔ پولیس  کے مطابق شفقت سلیم نے اپنے 4بچوں اور بیوی کو قتل کر کے خودکشی کر لی۔ مقتولین میں بیوی امرین، 2بیٹیاں سائرہ، شاہسوار، دو بیٹے حماد اور واثق شامل ہیں۔ پولیس کے مطابق ون فائیو پر کال کرنے کے بعد شفقت نے خود کو بھی گولی مار کر خودکشی کر لی۔ ابتدائی تفتیش کے مطابق ملزم نے گھریلو حالات سے تنگ آکر اہل خانہ کو قتل کر کے خودکشی کی۔ پولیس ذرائع نے بتایا کہ ملزم آن لائن کاروبار کرتا تھا جس میں نقصان کی وجہ سے ذہنی پریشانی کا شکار تھا۔