لاہور(سپورٹس رپورٹر) پاکستان کرکٹ بورڈ کے زیر اہتمام جاری قائد اعظم ٹرافی کرکٹ ٹورنامنٹ میں آج مزید دو میچ مختلف مقامات پر شروع ہوں گے۔ پاکستان کے سب سے بڑے ڈومیسٹک کرکٹ ٹورنامنٹ کے دلچسپ مقابلے ملک بھر میں جاری ہیں، گروپ ون میں پشاور اور کوئٹہ کے درمیان میچ ارباب نیاز سٹیڈیم، پشاور میں جبکہ گروپ ٹو میں ایبٹ آباد اور لاہور شالیمار کی ٹیمیں گوہاٹی کرکٹ سٹیڈیم، سوابی میں آمنے سامنے ہوں گی۔