شیخوپورہ‘ فیصل آباد‘ بچیانہ‘ جھنگ: اوباشوں کی 4خواتین اور لڑکے سے زیادتی

شیخوپورہ، فیصل آباد، بچیانہ، جھنگ (نامہ نگاران) مختلف واقعات میں 4 خواتین اور لڑکے کو زیادتی کا نشانہ بنا دیا گیا۔ جی ٹی روڈ کی آبادی سلامت پورہ میں ایک شخص نے 10 سالہ لڑکے کو مبینہ طور پر زیادتی کا نشانہ بنادیا۔ پولیس نے ملزم کی تلاش شروع کردی ہے۔ علاوہ ازیں فیصل آباد کے علاقہ نیوگارڈن ٹاؤن کی ندا کو ملزم زبیر نے مکان دکھانے کا جھانسہ دے کر خالی مکان میں لے جا کر زیادتی کا نشانہ بنا دیا۔ لنڈیانوالہ کے علاقہ چاہ سنار والا میں عالم شیر کے گھر مہمان آئے عمران وغیرہ پانچ افراد نے اس کی چھوٹی بہن منزہ کو اغوا کر کے اجتماعی زیادتی کر ڈالی جبکہ مریدوالا چک نمبر484گ۔ب میں سمیرا بی بی کو شہباز وغیرہ چار افراد نے اغواء کے بعد اجتماعی زیادتی کا نشانہ بنایا۔ علاوہ ازیں جھنگ میں کمہار والا کے علاقے میں ملزم اللہ دتہ نے مسماۃ (ث) کو زیادتی کا نشانہ بنایا اور فرار ہوگیا۔