لاہور (اپنے نامہ نگار سے) نشتر کالونی میں قائم پرائمری سکول میں بے قابو ہو کر بھاگنے والی بھینس داخل ہوگئی۔ بتایا گیا ہے کہ بھینس کو ذبح کرنے کیلئے لے جایا جا رہا تھا کہ اس دوران وہ خوفزدہ ہو کربے قابو ہو گئی اور سکول میں گھس گئی۔ بھینس نے بھاگتے ہوئے راستے میں آنے والی چیزوں کو ٹکریں ماریں اور راہگیروں کو زخمی کر دیا۔ سکول میں بھینس نے متعدد طلباء کو زخمی کر دیا۔ دو بچوں کو جنرل ہسپتال منتقل کر دیا گیا جبکہ تین بچوں کو طبی امداد دے کرگھروں کو بھیج دیا گیا۔ پولیس نے موقع پر پہنچ کر بھینس کو قابو کیا اور بھینس کے دو مالکان کو حراست میں لے کر کارروائی شروع کر دی۔