ملتان (نامہ نگار خصوصی) پاکستان تحریک انصاف کے مرکزی وائس چیئرمین مخدوم شاہ محمود قریشی کے صاحبزادے مخدوم محمد زین حسین قریشی کی دعوت ولیمہ آج (اتوار) کو ایک بجے دن زکریا یونیورسٹی ملتان کے سپورٹس گرا¶نڈ میں منعقد ہو گی تحریک انصاف کے چیئرمین عمران خان‘ گورنر پنجاب ملک محمد رفیق رجوانہ‘ تحریک انصاف کے مرکزی رہنما جہانگیر خان ترین‘ اپوزیشن لیڈر سید خورشید شاہ‘ ارباب غلام رحیم‘ وزیراعلیٰ خیبر پختونخواہ پرویز خٹک سمیت اہم قومی سیاسی شخصیات دعوت ولیمہ میں شرکت کریں گی۔ دعوت ولیمہ کے سلسلے میں ملک بھر میں 12 ہزار مہمانوں کو دعوت نامے جاری کئے گئے ہیں جبکہ زکریا یونیورسٹی کے سپورٹس گرا¶نڈ میں 15 ہزار مہمانوں کے بیٹھنے کا انتظام کیا گیا ہے پارٹی ذرائع کے مطابق چیئرمین عمران خان آج جہانگیر ترین کے ہمراہ ملتان پہنچیں گے اور دعوت ولیمہ میں شرکت کریں گے جبکہ سندھ سے 12 سو مہمان شرکت کریں گے۔
دعوت ولیمہ